മരവും എ.സിയും
വലിയ ഒരു ആല്‍മരം യഥാര്‍ഥത്തില്‍ 40 എസി പ്രവര്‍ത്തിക്കുന്നതിന്റെ ഫലം ചെയ്യുമെത്രെ.വേനല്‍കാലത്ത് മരത്തണലില്‍
എത്തുമ്പോള്‍ നമുക്കു നല്ല കുളിര്‍മ്മ അനുഭവപ്പെടാറില്ലെ.ഇതാണ് മരത്തിന്റെ ശക്തി.
കാടും പാട്ടും
ഒരുതൈ നടുമ്പോള്‍
ഒരു തണല്‍ നടുന്നു
നടു നിവര്‍ക്കാനൊരു
കുളുര്‍ നിഴല്‍ നടുന്നു.
ഒ.എന്‍.വി.
നാടു നാടായി നില്‍ക്കണമെങ്കിലോ
കാടുവളര്‍ത്തുവീന്‍ കൂട്ടുകാരെ
വിഷ്ണുനാരായണന്‍ നമ്പൂതിരി
മരിച്ചോര്‍ക്കേ മുറിക്കാവൂ മരം
കുഞ്ഞുണ്ണി
മരമിതു പൊന്തി വളര്‍ന്നു നാളേക്ക്
തണലും പഴങ്ങളും പൂക്കളും കാറ്റും
മഴയും പച്ചയും നിറച്ചു നല്‍കെട്ടെന്‍
മണിക്കുട്ടനമ്മക്കതല്ലയോ മോഹം
സുഗതകുമാരി
കാടെവിടെ മക്കളെ
മേടെവിടെ മക്കളെ
കാട്ടുപൂഞ്ചോലയുടെ
കുളിരെവിടെ മക്കളെ
മലരണിക്കാടുകള്‍ തിങ്ങിവിങ്ങി
മരതകക്കാന്തിയില്‍ മുങ്ങി മുങ്ങി
കരളും മിഴിയും കവര്‍ന്നു മിന്നി
കറയറ്റൊരാലസല്‍ ഗ്രാമഭംഗി
ചങ്ങമ്പുഴ
വയനാട് വന്യ മേഖല
വയനാട് ജില്ലയിലെ 344 ച.കി.മീ. വിസ്തൃതിയിലുള്ള തോല്‍പെട്ടി,മുത്തങ്ങ
മേഖലകള്‍ ഉള്‍ക്കൊള്ളുന്ന വനമേഖല ആനകളും,കാട്ടുപോത്തുകളും,പുള്ളിമാനുകളും കണ്ടുവരുന്ന മേഖലയാണ്.നീര്‍ ചാലുകള്‍ കൊണ്ടും ചതുപ്പു നിലങ്ങള്‍
കൊണ്ടും സമൃദ്ദമാണ് ഈ വനമേഖല.
സൈലന്റ് വാലി
പാലക്കാട് ജില്ലയില്‍ സ്ഥിതി ചെയ്യുന്ന
വനമേഖലയാണിത്.വനാന്തരങ്ങളില്‍ കേള്‍ക്കുന്ന ചീവീടുകളുടെ ശബ്ദം സൈലന്റ് വാലിയില്‍
കേള്‍ക്കാത്തതു കൊണ്ടാണ് ഈ പ്രദേശം ഇങ്ങനെ അറിയപ്പെടുന്നത്.അപൂര്‍വ്വവും വിരളവുമായ
ജന്തുജാലങ്ങളുടെ സങ്കേതമാണ് സൈലന്റ് വാലി.വംശനാശ ഭീഷണി നേരിടുന്ന സിംഹവാലന്‍
കുരങ്ങ് ഇവിടത്തെ പ്രത്യേകതയാണ്.315 ഓളം വ്യത്യസ്ത ജീവികള്‍ക്കു
പുറമെ 200 ഓളം വിഭാഗത്തില്‍ പെട്ട പക്ഷിളും ഇവിടെയുണ്ട്.225 തരത്തോളം വണ്ടുകള്‍,100 തരത്തിലധികം പൂമ്പാറ്റകളും നിശാ
ശലഭങ്ങളും,അപൂര്‍വ്വ ഇനത്തില്‍ പെട്ട 55 ഇനം സര്‍പ്പങ്ങളും രാജവെമ്പാലയും , പറക്കും പാമ്പും,വംശ നാശ ഭീഷണി നേരിടുന്ന നിരവധി സസ്യ ജാലങ്ങളും ഉള്‍കൊള്ളുന്ന ഈ വനം 237 ച.കി.മീ.വിസ്തൃതിയുണ്ട്.1984 ലില്‍ സൈലന്റ് വാലിയെ
ദേശീയ വനമാക്കി പ്രഖ്യാപിച്ചു.
മരത്തിന്റെ വയസ്സറിയാം
ഒരു മരം മുറിച്ചിട്ടാല്‍ അതിന്റെ തടിയുടെ
അടിയില്‍ കുറെ വളയങ്ങള്‍ കാണാനാകും.ഓരോ വര്‍ഷം കൂടുന്തോറും പുറം തടിയില്‍ പുതിയ
വളയങ്ങള്‍ പ്രത്യക്ഷപ്പെടുന്നു.മരത്തിന്റെ വളര്‍ച്ച കൂടുതലായി നടക്കുന്ന വസന്ത
വേനല്‍ മാസങ്ങളില്‍ വളര്‍ന്ന പുതിയ തടിക്ക് മങ്ങിയ നിറമായിരിക്കും.മരം കൂടുതല്‍
വളരാത്ത ശിശിര കാലത്ത് തടിക്ക് കടുത്ത നിറവും.ഇങ്ങനെ മാറിമാറി വരുന്ന കറുത്തതും
മങ്ങിയതുമായ നിറങ്ങളുള്ള വളയങ്ങള്‍ നോക്കി മരത്തിന് എത്ര വയസ്സായി എന്നു നമുക്കു
കണ്ടെത്താന്‍ കഴിയും.
 |
| spider |
പെരിയാര്‍ വനമേഖല
ഇടുക്കി ജില്ലയില്‍സ്ഥിതിചെയ്യുന്ന ഈവനമേഖല
കടുവയുടെആവാസകേന്ദ്രമാണ്.കേരളത്തിലെ ഏക കടുവാ സംരക്ഷണ മേഖലയാണ് ഇത്.ഇവിടെ വന്യ
ജീവികളാല്‍ സമ്പന്നമാണ്.കടുവ,പുലി,മലമുഴക്കി വേഴാമ്പല്‍,കാട്ടുനായ,അപൂര്‍വ്വയിനം പക്ഷികള്‍,ഈനാം പേച്ചി,മാനുകള്‍,നീര്‍നായകള്‍,ആമകള്‍ എന്നിവയാല്‍ ഇവിടെ സമ്പന്നമാണ്.ഇതിന് 777 ച.കി.മീ.വിസ്തീര്‍ണ്ണമുണ്ട്.1982 ല്‍ പെരിയാര്‍
വനമേഖല ദേശീയോദ്യാനമാക്കി.
പേപ്പാറ വനമേഖല
തിരുവനന്തപ്പുരം ജില്ലയിലാണ് ഈ
വനമേഖല.പേപ്പാറ അണക്കെട്ടിനോട് ചേര്‍ന്നാണ് ഈ സ്ഥലം.പാറക്കെട്ടും കുന്നും നിറഞ്ഞ ഈ
സ്ഥലം വിവിധ തരം ജന്തുക്കള്‍ നിറഞ്ഞ ജൈവ സമ്പത്ത് നിലനില്‍ക്കുന്ന ആവാസ
വ്യവസ്ഥയാണ്.ആന,കാട്ടു പോത്ത്,കേഴമാന്‍,വരയാട്,കുട്ടിതേവാങ്ക്,ഉടുമ്പ്,കാട്ടുപൂച്ച,തുടങ്ങിയ ജീവികളും ഈ വനത്തില്‍
ഉണ്ട്.53 ച.കി.മീ.ഇതിന്റെ വിസ്തീര്‍ണ്ണം.
മതികെട്ടാന്‍ മല
ഇടുക്കി ജില്ലയിലാണ് ഈ മേഖല.ഇവിടത്തെ
സവിശേഷത ആകര്‍ഷകമായ പുല്‍മേടുകളാണ്.ഇവിടെ അപൂര്‍വ്വയിനം പക്ഷി മൃഗാദികളുടെ ആവാസ
ഭൂമിയാണ്.കാട്ടുപോത്ത്,കരങ്കുരങ്ങ്,കാട്ടാന,വ്യത്യസ്തയിനം പറവകള്‍ തുടങ്ങിയ ജീവികള്‍
12 ച.കി.മീ വിസ്തൃതിയുള്ള ഈ സ്ഥലത്തു കാണപ്പെടുന്നു.2010 ല്‍ മതികെട്ടാന്‍ ചോല ദേശീയോദ്ധ്യാനമാക്കി.
മംഗളവനം
എറണാകുളം ജില്ലയില്‍ 0274 ച.കി.മീ വിസ്തൃതിയില്‍ നഗരത്തിനോട് ചേര്‍ന്നു കിടക്കുന്ന കണ്ടല്‍
വനങ്ങളോടുകൂടിയ വനസങ്കേതമാണ് മംഗളവനം.അപൂര്‍വ്വയിനത്തില്‍ പെട്ട 14 ഇനം പക്ഷികള്‍ ഉള്‍പ്പെടുന്ന 76 ഇനം പക്ഷികളെ
ഇവിടെ കാണാന്‍ കഴിയും.33 ഇനം ചിലന്തികളും അനേകം കടവാവലുകളും
ഇവിടെ ഉണ്ട്.പക്ഷികള്‍,പാമ്പ്,ഉരഗം,ഓന്ത്,മത്സ്യം,തവള,പന്നി,പലതരം സസ്തനികള്‍,പുല്‍ചാടികള്‍, പലതരം അണുജീവികളും ഉള്‍കൊളളുന്ന
വലിയ ജൈവ സമ്പത്താണിവിടം
ചൂലന്നൂര്‍ വനമേഖല
തൃശൂര്‍ പാലക്കാട് ജില്ലകളിലായി
വ്യാപിച്ചു കിടക്കുന്ന വനമേഖലകളാണിത്.വലിയ കാടുകളെല്ലങ്കിലും കുറ്റിക്കാടുകളും,പാറക്കെട്ടുകളും,ചെറുനീര്‍ത്തടങ്ങളും നിറഞ്ഞതാണ് ഈ
വനമേഖല.കുരങ്ങന്‍,മരപ്പട്ടി,കാട്ടുമുയല്‍,കാട്ടുപന്നി,മുള്ളന്‍ പന്നി തുടങ്ങി 70 ലധികം ജാതിയില്‍ പെട്ട
പക്ഷികളെയും കാണപ്പെടുന്നു.ഇതിനു 24 ഹെക്ടര്‍
വിസ്തീര്‍ണ്ണം ഉണ്ട്.
തട്ടേക്കാട് വനമേഖല
എറണാകുളംജില്ലയിലെഈവനപ്രദേശത്തിന്25ച.കി.മീ.വിസ്തൃതിയുണ്ട.അത്യപൂര്‍വ്വങ്ങളും വംശനാശ ഭീഷണി നേരിടുന്നതുമായ 320 ഓളം പറവകള്‍ തട്ടേക്കാട് വനത്തില്‍ ഉണ്ട്.7ഗ്രാം മുതല്‍ 3.5 കി.ഗ്രാം വരെ തൂക്കമുള്ളപറവകള്‍ഇവിടെയുണ്ട്.'മക്കാച്ചിക്കാട്' എന്ന ഒരുതരം പക്ഷിയെ ഇവിടെ
കണ്ടുവരുന്നു.കൂടാതെ ആന , പുലി,കരിമ്പുലി,മാന്‍,കാട്ടുപോത്ത്,രാജവെമ്പാല,മൂര്‍ഖന്‍ തുടങ്ങിയ ജീവികളും ഇവിടെയുണ്ട്.
നെയ്യാര്‍ വനമേഖല
തിരുവനന്തപ്പുരം ജില്ലയിലെ ഈ വനമേഖല
വംശനാശം സംഭവിക്കുന്ന ചീങ്കണ്ണികളുടെ
സങ്കേതമാണ്.കൂടാതെ ആകര്‍ഷകങ്ങളായ പറവകള്‍ , വന്യജീവികള്‍
തുടങ്ങിയവയും ഇവിടെയുണ്ട്. ഉയരം കൂടിയ അഗസ്ത്യ കൂടം കൊടുമുടി ഈ വനത്തിലാണ.ഇതിന് 128 ച.കി.മീ വിസ്തീര്‍ണ്ണം ഉണ്ട്.
പറമ്പിക്കുളം വനമേഖല
പാലക്കാട് ജില്ലയിലാണ് പറമ്പിക്കുളം
വനമേഖല.ചതുപ്പു നിലങ്ങള്‍ ധാരാളമുള്ള
ഈ പ്രദേശത്ത് ആന,പുലി,കരടി,കടുവ,വരയാട്,ചീങ്കണ്ണി,ഈനാംപേച്ചി,ഉഗ്രവിഷമുള്ള പാമ്പുകള്‍
എന്നിവയാണുള്ളത്.ഈ വനത്തിലെ 'കണിമരം'എന്ന പേരിലുള്ള തേക്കുമരം ലോകത്തിലെ ഏറ്റവും പ്രായം കൂടിയ തേക്കുമരമാണ്.
ഏകദേശം 500 വര്‍ഷം പഴക്കമുള്ള ഇതിനു 49 മീറ്റര്‍ നീളവും,7 മീറ്റര്‍ വണ്ണവുമുണ്ട്. 285 ച.കി.മീ.ഈ വനമേഖലയുടെ
വിസ്തീര്‍ണ്ണം.കേരളത്തിലൂടെ ഈ വനമേഖലയിലേക്കു പ്രവേശിക്കാന്‍ കഴിയില്ല എന്നത്
ഇതിന്റെ പ്രത്യേകതയാണ്.
ഇടുക്കി വനമേഖലയിലെ തന്നെ മറ്റൊരു
വനമേഖലയാണിത്.ഏകദേശം 97 ച.കി.മീ.വിസ്തീര്‍ണ്ണമുള്ള ഈ
വനത്തില്‍ അപൂര്‍വ്വമായ വരയാടുകളുടെ കൂട്ടങ്ങള്‍ താമസിക്കുന്നു.ലോകത്താകെയുള്ള
വരയാടിന്റെ പകുതിയിലേറേയും സംരക്ഷിക്കപ്പെടുന്നത് ഈമേഖലയിലാണ്.കൂടാതെകലമാന്‍,കേഴമാന്‍,പുള്ളിപ്പുലി,കരിങ്കുരങ്ങ്,മലയണ്ണാന്‍,കടുവ,കരിമ്പുലി,കാട്ടുപൂച്ച,പലതരം പറവകള്‍,മത്സ്യങ്ങള്‍ തുടങ്ങിയവയും
ധാരാളമുണ്ട്.94 തരം പുല്ലിനങ്ങളുടെ സാനിധ്യം
ഇരവിക്കുളത്തെ പ്രാധാന്യം വര്‍ദ്ധിപ്പിക്കുന്നു.ചിന്നാര്‍ , പാമ്പാര്‍ എന്നീ നദികള്‍ ഉത്ഭവിക്കുന്നത് ഇവിടെ നിന്നാണ്.ഈ പ്രദേശം 1978 ല്‍ ദേശീയോദ്യാനമായി പ്രഖ്യാപിച്ചു.
കുറിഞ്ഞിമല
ഇടുക്കി ജില്ലയിലെ മറ്റൊരു വനമേഖലയാണ്
കുറുഞ്ഞിമല.12 വര്‍ഷം കൂടുമ്പോള്‍ പൂക്കുന്ന
നീലക്കുറുഞ്ഞിയാണ് ഇവിടത്തെ സവിശേഷത.
ചിന്നാര്‍ വനമേഖല
ഇടുക്കി ജില്ലയിലെ മറ്റൊരു വനമേഖലയാണ്
ചിന്നാര്‍ വനമേഖല.മലയണ്ണാന്‍,നക്ഷത്ര ആമകള്‍,ആന,കാട്ടുപോത്ത്,കടുവ,പുലി,കരടി,മാന്‍,വരയാട്,മയില്‍,വെരുക് തുടങ്ങിയ ജീവികള്‍ ഇവിടെ ധാരാളം
ഉണ്ട്.225 ഇനം പറവകളും,വിവിധയിനം പക്ഷികളും
സ്ഥിതിചെയ്യുന്ന ഈ കാടിന് 90 ച.കി.മീ.വിസ്തൃതി ഉണ്ട്.
കേരളത്തിലെ വനങ്ങളും ജൈവ സമ്പത്തും
അഗസ്ത്യകൂടം
പശ്ചിമ ഘട്ടത്തിന്റെ തെക്കെ അറ്റത്തു
ആരുവാമുടി ചുരം മുതല്‍ ആര്യങ്കാവ് ചുരം വരെ ഏകദേശം 3000 ച.കി.മീ.വിസ്തൃതിയുള്ള പര്‍വ്വത നിരകളും ചെരിവുകളുമുള്ള പ്രദേശമാണ്
അഗസ്ത്യകൂടം.ആയുര്‍വേദ മരുന്നുകളുടെ കലവറയാണ് ഈ പ്രദേശം.ഈ പ്രദേശത്ത് ഏകദേശം 3000 ത്തില്‍ അധികം സസ്യ ജാതികള്‍ നിലനില്ക്കുന്നുണ്ട്.
ആനമുടിച്ചോല
മൂന്നാറില്‍ നിന്നും 40 കി.മീ.ദൂരെയാണ് ആനമുടിച്ചോല.മഴക്കാടുകളും ചോല വനങ്ങളും അര്‍ദ്ധ ഹരിത വനങ്ങളും
ആനമുടി ചോലയുടെ സവിശേഷതകളാണ്.അപൂര്‍വ്വവും വളരെ പ്രാചീനവുമായ ഒരിനം പന്ന (പന്നല്‍
ചെടി )യും പല ജാതിയില്‍ പെട്ട പറവകളും ആനമുടിച്ചോലയെ മറ്റു വനമേഖലകളില്‍ നിന്നും
വ്യത്യസ്തമാക്കുന്നു.
ആറളം വനമേഖല
കണ്ണൂര്‍ ജില്ലയിലാണ് ആറളം വനമേഖല.ആന , കാട്ടുപന്നി ,പോത്ത് ,കുരങ്ങന്‍ , മ്ലാവ്,കേഴമാന്‍ , കാട്ടുപന്നി,കാട്ടുമുയല്‍,പുലി,കടുവ,കാട്ടുനായ,കുട്ടിതേവാങ്ക്,ഉടുമ്പ്,മലമ്പാമ്പ്,വ്യത്യസ്ത പറവകള്‍,നീര്‍പക്ഷികള്‍,ചിത്രശലഭങ്ങള്‍ തുടങ്ങിയവയെ ഈ വനമേഖലയില്‍ കാണാന്‍ കഴിയും.ഏകദേശം 55 ച.കി.മീ.വിസ്തൃതിയുള്ള ഈ വനം കേരളത്തിലെ ഏറ്റവും ചെറിയ വന്യ ജീവി
സങ്കേതങ്ങളില്‍ ഒന്നാണ്.
ഇടുക്കി വനമേഖല
ഇടുക്കി ജലവൈദ്യുത പദ്ധതിയുടെ
ജലസംഭരണിക്കു ചുറ്റുമുള്ള വന പ്രദേശമാണ് ഇത്.ഇതിനു ഏകദേശം 70 ച.കി.മീ.വിസ്തൃതിയുണ്ട്.നിരവധി വന്യ ജീവികളേയും പക്ഷികളേയും ഇവിടെ
കണ്ടുവരുന്നു.
ഒരു വനിതയും 30 കോടി മരങ്ങളും
ആഫ്രിക്കന്‍ രാജ്യമായ കെനിയ ഒരു പട്ടിണി രാജ്യമാണ്.അവിടത്തെ പ്രശസ്തയായ ഒരു വനിതയാണ് വാന്‍ഗാരി മാതായി.മരങ്ങളുടെ മരണം വിഭവ ദാരിദ്ര്യമുണ്ടാക്കുമെന്നും അതുവഴി മനുഷ്യ സമുദായം കലാപത്തിനിറങ്ങുമെന്നും അവര്‍ അനുഭവം കൊണ്ടറിഞ്ഞു.വിഭവ സമൃധി ഉണ്ടാകുന്നതോടെ ദാരിദ്ര്യം അകന്നു പോകുമെന്നും അതു സമാധാന പൂര്‍ണ്ണമായ ഒരു ജീവിതം രാജ്യത്തു ഉണ്ടാക്കുമെന്നും വാന്‍ഗാരി കരുതി.അതിന്റെ ഭാഗമായി 30 കോടി മരങ്ങള്‍ അവരും കൂട്ടുകാരും കൂടി രാജ്യത്തുടനീളമായി നട്ടു പിടിപ്പിച്ചു.ആ മരങ്ങള്‍ കെനിയയിലെ ജനങ്ങള്‍ക്കു ഭക്ഷണവും പാര്‍പ്പിടവും ഇന്ധനവും മറ്റു വരുമാന മാര്‍ഗ്ഗങ്ങളും നല്‍കി.കൂടാതെ ഇവ മണ്ണിനേയും നീര്‍ത്തടങ്ങളെയും സംരക്ഷിച്ചു പരിപോഷിപ്പിച്ചു.മരം നടുന്നത് തുടക്കത്തില്‍ ഒരു പരിസ്ഥിതി പ്രശ്‌നം മാത്രമായിരുന്നെങ്കില്‍ പിന്നീടത് കെനിയയിലെ ജനാധിപത്യ സമരങ്ങളുടെ ചിഹ്നമായി മാറി.വാന്‍ഗാരി മാതായിക്കു 2004 ലെ സമാധാനത്തിനുള്ള നോബല്‍ സമ്മാനവും കിട്ടി.കെനിയ എന്ന രാജ്യത്തിന്റെ പതിനഞ്ചിലൊന്നു വിസ്തൃതിയാണ് നമ്മുടെ കേരള്ത്തിനുള്ളത്.കേരളത്തില്‍ 2 മീറ്റര്‍ അകലത്തില്‍ 600 കി.മീ. നീളവും 2 കി.മീ വീതിയിലും കുഴിയെടുത്തു മരം നട്ടാല്‍ 1200 ച.കി.മീ.വിസ്തൃതിയുളള പ്രദേശത്ത് നമുക്കു വനവത്കരണം നടത്താം.കേളത്തിലെ സന്നദ്ധ പ്രവര്‍ത്തകരും വിദ്യാര്‍ത്ഥികളും ഒരു ദിവസം കാമ്പയിന്‍ നടത്തിയാല്‍ മതി കാര്യം നേടാന്‍.
കാട്
നശിക്കുന്ന വഴികള്‍
വനങ്ങള്
നശിക്കുന്നതിന്റെ വിവിധ
കാരണങ്ങളില്‍ ഒന്ന്
കാട്ടുതീയാണ്.വേനലായാല്‍
നമ്മുടെ കാടുകളിലും കാട്ടു
തീ പടരുന്നു.ഇതുമൂലം
വമ്പിച്ച ജൈവ സമ്പത്തും
വൈവിധ്യങ്ങളുമാണ്
നഷ്ടപ്പെടുന്നത്.1982-83
ല്‍
ഇന്ത്യോനേഷ്യയില്‍ 36
ലക്ഷം ഹെക്ടര്‍
വനമാണ് കത്തി ചാമ്പലായത്.വനസമ്പത്തു
കുറയുന്നതിന്റെ മറ്റൊരു
കാരണം അച്ചടി കടലാസിന്റെ
ഉപയോഗമാണ്.40 അടി
ഉയരവും 15-20 സെ.മീ
വ്യാസവുമുള്ള 24
മരങ്ങളാണ്
ഒരു ടണ്‍ കടലാസിന്റെ
നിര്‍മ്മാണത്തിനു ഉപയോഗിക്കുന്നതു.ചില
ജീവിവര്‍ഗ്ഗങ്ങളുടെ നാശവും
കാടിന്റെ കഥ കഴിക്കാന്‍
സാധ്യതയുള്ള കാര്യമാണ്.അതിനുദാഹരണമാണ്
"കാല്‍വേരിയാമേജര്‍"എന്ന
മരത്തിന്റെ കഥ.കാല്‍വേരിയാ
മേജര്‍ എന്ന പഴങ്ങള്‍ തിന്നു
ജീവിച്ചിരുന്ന പക്ഷിയായിരുന്നു
ഡോഡോപക്ഷി.കനത്ത
പുറന്തോടുള്ള പഴങ്ങളാണ് ഈ
സസ്യത്തിന്റേത്.ഡോഡോ
പക്ഷിയുടെ ആമാശയത്തില്‍ കൂടി
കടന്നു പോകുന്ന പഴങ്ങളുടെ
പുറന്തോട് മൃദുവാകുന്നു.ഡോഡോയുടെ
ദഹന രസത്താല്‍ മൃദുവാക്കപ്പെട്ട
വിത്തുകള്‍ മാത്രമേ മണ്ണില്‍
മുളക്കുകയുള്ളു.ആ
പക്ഷിയുടെ കുലം മുടിഞ്ഞതോടെ
കാല്‍വേരിയാ മേജറിന്റെ ഒരു
തൈ പോലും മുളക്കാതായി.എങ്ങനെയുണ്ടു
ഒരു പക്ഷിയും കാടും തമ്മിലുള്ള
ബന്ധം.കാട്ടു
കള്ളന്മാരുടെ കടന്നു
കയറ്റവും,വനവത്കരണത്തിന്റെ
പ്രാധാന്യത്തെ കുറിച്ച്
അറിവില്ലായ്മയും വന നശീകരണത്തിനു
ആക്കം കൂട്ടുന്ന കാര്യങ്ങളാണ്.
പുല്‍മേടുകള്‍
പുല്‍മേടുകള്‍ എന്നാല്‍ ചോലകളും പുല്‍മേടുകളും ചേര്‍ന്ന പ്രത്യേക തരം ജൈവമണ്ഡലമാണ് പുല്‍മേടുകള്‍.പ്രകൃതിദത്തമായവയാണ് പുല്‍മേടുകള്‍. കാട്ടു തീ,അധിനിവേശം എന്നിവയിലൂടെ നശിപ്പിക്കപ്പെട്ട വനങ്ങളുടെ സ്ഥാനത്തു വീണ്ടും രൂപപ്പെട്ടവയാണ് ഇവ.പുല്‍മേടുകള്‍ വനസമ്പത്തിന്റെ ഭാഗങ്ങളാണ്.മൊത്തം വനമേഖലയുടെ 14 ശതമാനം മാത്രമാണ് പുല്‍മേടുകള്‍....
നദീതട വനങ്ങള്
നദീതടങ്ങളുടെ ചുറ്റും തഴച്ചു വളരുന്ന വനങ്ങളാണ് നദീതട വനങ്ങള് .വര്‍ഷം മുഴുവന്‍ ഇവിടെ വെള്ളം കിട്ടുന്നതിനാല്‍ ഇവ നിത്യ ഹരിത വനങ്ങളായിരിക്കും.
സമസീതോഷ്ണ മേഖലാ വനങ്ങള്
തണുത്ത കാലാവസ്ഥയാണ് സമസീതോഷ്ണമേഖലാ മഴക്കാടുകളില് കാണപ്പെടുക.ഇവിടെ വീതി കുറഞ്ഞ ഇലകളുള്ള സസ്യങ്ങളാണ് വളരുന്നത്.ഇവിടങ്ങളില്‍ സസ്യങ്ങളുടെ വൈവിധ്യം കുറവായിരിക്കും.അതെ സമയം ഉള്ള സസ്യങ്ങള്‍ക്കു ആയുസ്സ് കൂടുതലായിരിക്കും.ഏകദേശം 500 മുതല്‍ 1000 വര്‍ഷങ്ങള്‍ വരെയായിരിക്കും വൃക്ഷങ്ങളുടെ ആയുസ്സ്.
അര്‍ദ്ധനിത്യഹരിത
വനങ്ങള് (semi
evergreen forest )
ഇല
പൊഴിയും കാടുകള്‍ക്കും
നിത്യഹരിത വനങ്ങള്‍ക്കും
ഇടയിലാണ് നിത്യഹരിത വനങ്ങള്
അഥവാ ഉഷ്ണമേഖലാ അര്‍ദ്ധ ഹരിത
വനങ്ങള് രൂപപ്പെടുന്നത്.ഇടതൂര്‍ന്ന
വനങ്ങള് വെട്ടി നശിപ്പിക്കപ്പെടുമ്പോള്‍
സ്വാഭാവികമായും ആ പ്രദേശത്തെ
മഴയുടെ അളവ് കുറയുന്നു.അപ്പോള്‍
ബാഷ്പീകരണത്തെ തടയാന്‍
കഴിവില്ലാത്ത ഇലകളുള്ള വൃക്ഷ
സമൂഹം ജലാംശം സംരക്ഷിക്കുന്നതിനായി
ഇല പൊഴിക്കാന്‍ തുടങ്ങും.ഈ
സാഹചര്യങ്ങളില്‍ നിത്യ ഹരിത
വൃക്ഷങ്ങളും ഇല പൊഴിക്കും
വൃക്ഷങ്ങളും ഇടകലര്‍ന്നു
വളരുന്നു.
ഇലപൊഴിയും
വരണ്ട കാടുകള്‍ (dry
deciduous forests )
വരണ്ട
ഇലപൊഴിയും കാടുകള്‍ മഴ നിഴല്‍
പ്രദേശത്ത് കാണപ്പെടുന്നു.അഞ്ചുനാട്
ഭാഗത്തു സമുദ്ര നിരപ്പില്‍
നിന്നും 800
മുതല്‍
1000 അടി
വരെ ഉയരമുള്ള ഭാഗത്താണ് വരണ്ട
ഇലപൊഴിയും കാടുകള്‍
കാണപ്പെടുന്നത്.ചിന്നാര്‍
വന്യ ജീവി സങ്കേതത്തിന്റെ
തെക്കു പടിഞ്ഞാറന്‍ ഭാഗങ്ങളും
ഇത്തരം പ്രദേശമാണ്.ഈ
ഭാഗത്തു തന്നെയാണ് കേരളത്തിലെ
സ്വാഭാവിക ചന്ദന വനം
കാണപ്പെടുന്നതും.
മൊത്തം
600 മി.മീ
മുതല്‍ 1000
മി.മീ.
മഴ വരെ
ഈ പ്രദേശങ്ങളില്‍ ലഭിക്കുന്നു.
ഇല
പൊഴിയും ഈര്‍പ്പ വനങ്ങള്(moist deciduousforest)
നിത്യ
ഹരിത വനങ്ങളുടേയും അര്‍ദ്ധ
നിത്യ ഹരിത വനങ്ങളുടേയും
നാശത്തോടെ രൂപപ്പെടുന്ന്
ജൈവ വ്യവസ്ഥയാണ് ആര്‍ദ്ര
ഇലപൊഴിയും കാടുകള്‍ അഥവാ
ഉഷ്ണ മേഖലാ നനവാര്‍ന്ന ഇലപൊഴിയും
കാടുകള്‍.മണ്ണിന്റെ
ഈര്‍പ്പം പിടിച്ചു നിര്‍ത്താനുള്ള
കഴിവ് നഷ്ടപ്പെടുന്ന
അവസ്ഥയാണിത്.അര്‍ദ്ധ
നിത്യ ഹരിത വനങ്ങളില്‍ നിന്നും
വൃക്ഷങ്ങള്‍ മുറിച്ചു
മാറ്റപ്പെടുന്നതോടെ അടിക്കാടുകളും
പുല്ലുകളും പടര്‍പ്പുമെല്ലാം
സമൃദ്ദമായി വളരുന്നു.കൂടെ
മുള വര്‍ഗ്ഗത്തില്‍പ്പെട്ട
സസ്യങ്ങള്‍ ധാരാളമായി
ഉണ്ടാകും.എന്നാല്‍
നിത്യ ഹരിത വനം നല്‍കുന്നത്രയും
മണ്ണിന്റെ നനവ് പിടിച്ചു
നിര്‍ത്താനുള്ള കഴിവ്
നഷ്ടമാകുന്നു.കേരളത്തിലെ
വനങ്ങള് ഭൂരിഭാഗവും ആര്‍ദ്ര
ഇലപൊഴിയും വനങ്ങളാണ്.
വിവിധ
തരം കാടുകള്‍
കണ്ടല്‍
കാടുകള്‍
ചതുപ്പു
നിലങ്ങളിലും അഴിമുഖങ്ങളിലും
കായലോരങ്ങളിലും രൂപപ്പെടുന്ന
പ്രത്യേക വനസംവിധാനങ്ങളാണ്
കണ്ടല്‍ കാടുകള്‍.കണ്ടല്‍
സസ്യ സഞ്ചയങ്ങളാണ് കണ്ടല്‍
കാടുകളായി മാറുന്നത്.ഉപ്പു
ജലം സ്വീകരിച്ചു അധികമുള്ള
ഉപ്പിനെ പുറത്തു തള്ളുവാനുള്ള
കഴിവ് ഇവിടങ്ങളിലുള്ള
വൃക്ഷങ്ങളുടെ വേരുകള്‍ക്കും
ഇലകള്‍ക്കും ഉണ്ട്.വേലിയേറ്റ
സമയത്തു ഉയര്‍ന്നു നില്‍ക്കാനും
വേലിയിറക്കത്തെ അതിജീവിക്കാനും
കഴിയുന്ന വിധത്തിലാണ് കണ്ടല്‍
വേരുകളുടെ സംവിധാനം.കണ്ടല്‍
കാടുകളുടെ പരിസ്ഥിതി പ്രാധാന്യം
ഇന്നു ഏറെ ചര്‍ച്ച ചെയ്യപ്പെടുന്ന
വിഷയമാണ്.
മഴക്കാടുകള്‍
വര്‍ഷം
തോറും ഉയര്‍ന്ന തോതില്‍ മഴ
ലഭിക്കുന്ന വനസങ്കേതങ്ങളാണ്
മഴക്കാടുകള്‍.ഉഷ്ണ
മേഘലാ നിത്യ ഹരിത വനങ്ങള്
എന്നും ഇതിനെ പറയാം.1800
മി.മീറ്ററില്‍
കൂടുതല്‍ മഴ എല്ലാ വര്‍ഷവും
മഴക്കാടുകളില്
ലഭിക്കുന്നു.മറ്റുകാടുകളെ
അപേക്ഷിച്ചു പോഷക ഗുണം കുറഞ്ഞ
മണ്ണാണ് മഴക്കാടിനുള്ളത്.കനത്ത
മഴയില്‍ മണ്ണിലെ പോഷക ഗുണങ്ങള്‍
ഒലിച്ചു പോകുന്നതാണ് ഇതിനു
കാരണം.വളര്‍ച്ചക്കാവശ്യമായ
പോഷകങ്ങള്‍ മരങ്ങള്‍ അവയുടെ
താഴ്ത്തടിയില്‍ ശേഖരിച്ചു
മണ്ണിലെ പോഷക ദൗര്‍ബല്യത്തെ
അതിജീവിക്കുന്നു.
നിത്യഹരിത
വനങ്ങള് (evergreen
forest )
വര്‍ഷം
മുഴുവന്‍ പച്ചപ്പുള്ള വനങ്ങളാണ്
നിത്യ ഹരിത വനങ്ങള്.വൃക്ഷത്തിന്റെ
നിത്യഹരിത സ്വഭാവത്തെ
അടിസ്ഥാനമാക്കിയാണ് വനങ്ങളെ
നിത്യഹരിത വനങ്ങള് എന്നു
വിശേഷിപ്പിക്കാറുള്ളത്.ഏതെങ്കിലും
ഒരു കാലത്തോ സമയത്തോ ജലാംശം
സംരക്ഷിക്കുന്നതിനു വേണ്ടി
ഇലകള്‍ പൊഴിച്ചു കളയാത്ത
വൃക്ഷങ്ങളെ നിത്യഹരിത വനങ്ങള്
എന്നു കണക്കാക്കാം.മഴക്കാടുകളില്
ധാരാളം മഴ ലഭിക്കുന്നതിനാല്‍
ഇവിടത്തെ വൃക്ഷങ്ങള്‍ നിത്യ
ഹരിതങ്ങളായിരിക്കും.
ചതുപ്പു
നിലങ്ങള്‍ (കാവുകള്‍
)
ചതുപ്പു
നിലങ്ങളും അതിനോടു ചേര്‍ന്ന
വനങ്ങളുള്‍പ്പെടുന്ന ജൈവ
മണ്ഡലമാണിത്.വടക്കന്‍
കേരളത്തിലെ ചില പാവന വനങ്ങളും
, സര്‍പ്പക്കാവുകളും
ഇതിനുദാഹരണങ്ങളാണ്.ഈ
സര്‍പ്പക്കാവുകള്‍ ജൈവ
വൈവിധ്യത്തിന്റെ
കലവറയാണ്.കൃഷിയിടങ്ങള്‍ക്കു
വേണ്ടി വനം വെട്ടിത്തെളിക്കുന്ന
വേളയില്‍ വനത്തിന്റെ ഒരു
ഭാഗം കൃഷിയിടത്തിന്റെ നടുവില്‍
നിലനി‍ര്‍ത്തി.ഈ
വനഭാഗത്തെ സസ്യങ്ങളെയോ
ജന്തുക്കളെയോ കൊല്ലാതിരിക്കാനായി
അത് ഈശ്വരന്റെ ആവാസസ്ഥാനം
എന്നു കരുതി
ആരാധിക്കുന്നു.പാമ്പ്,കീരി,ശലഭങ്ങള്‍,മുയല്‍
തുടങ്ങി ചെറിയ ഒരു ജൈവ മണ്ഡലം
ഇവിടെ നിലനില്ക്കുന്നുണ്ട്.ഇവിടത്തെ
വൃക്ഷങ്ങള്‍ അന്തരീക്ഷ താപത്തെ
നിയന്ത്രിക്കുകയും ധാരാളം
പ്രാണ വായു പുറന്തള്ളുകയും
ചെയ്യുന്നു.
മരം ഒരു
വരം
ലാറ്റിന്‍
ഭാഷയിലെ forestis എന്ന
പദത്തില്‍ നിന്നാണ് forest
എന്ന വാക്ക്
ഇംഗ്ലീഷിലേക്കു വന്നത്.നമ്മുടെ
മുന്‍ഗാമികള്‍ മരങ്ങളുടെ
പ്രാധാന്യം മനസ്സിലാക്കിയിരുന്നു.ശാര്‍ങ്ധരന്റെ
"വൃ‍ക്ഷായുര്‍വേദം"
എന്ന ഗ്രന്ഥത്തിലെ
വരികള്‍ ഇങ്ങനെ
“പത്തു
കിണര്‍ സമം ഒരു കുളം
പത്തു
കുളം ഒരു സമം ഒരു തടാകം
പത്തു
തടാകം സമം ഒരു പുത്രന്‍
പത്തു
പുത്രന്‍ സമം ഒരു വൃക്ഷം"
മരം ഒരു
ആവാസ കേന്ദ്രം
വനങ്ങള്
പല ജീവജാലങ്ങളുടെയും ആവാസ
കേന്ദ്രമാണ്.എന്നാല്‍
ഒരു മരം തന്നെ പലതിന്റെയും
ആവാസ സ്ഥലമാണെന്നു കൂടി
നമ്മള്‍ അറിഞ്ഞിരിക്കണം.ഒരു
വന്‍ മരത്തെ സൂകഷ്മമായി ഒന്നു
നിരീക്ഷിച്ചു നോക്കൂ.എത്ര
തരം ചെടികളാണ് അതിന്റെ മേലാകെ
വളരുന്നത്.ഈ
ചെടികളാണ് വായുവില്‍ വളരുന്ന
ചെടികള്‍ (എപ്പിഫൈറ്റ്സ്
).ഇവയെ കൂടാതെ
പക്ഷികള്‍,ഉറുമ്പുകള്‍
തുടങ്ങിയ ഷഢ്പദങ്ങള്‍ ,പലതരം
ജീവികള്‍ മുതലായവ മരത്തില്‍
വളരുന്നു.
ഇന്ത്യയിലെ
വനസമ്പത്ത്
ഭൂമിയുടെ
ഉപരിതലത്തിന്റെ 94 ശതമാനവും
കരവിസ്തൃതിയുടെ 30 ശതമാനവും
വനമാണ്.ലോകത്തുള്ള
ആകെ വനങ്ങളുടെ 2.7 ശതമാനം
ഇന്ത്യയിലാണ്.രാജ്യത്തിന്റെ
ആകെ വിസ്തൃതിയുടെ 23.85 ശതമാനവും
വനമാണ്.ഇന്ത്യയുടെ
ആകെ വനവിസ്തൃതിയായ 78.37
ദശലക്ഷം ഹെക്ടറില്‍
നിബിഢ വനമാണ്.ഏറ്റവും
കൂടുതല്‍ വനവിസ്തൃതിയുള്ള
സംസ്ഥാനം മധ്യപ്രദേശ് ആണ്.77,700
ച.കി.മീ
വനമാണ് ഇവിടെയുള്ളത്.വനവിസ്തൃതിയില്‍
ഏറ്റവും പിന്നില്‍ ഹരിയാനയാണ്.1594
ച.കി.മീ.ഇന്ത്യയിലെ
ഹരിത സംസ്ഥാനം എന്നറിയപ്പെടുന്നത്
സിക്കീം ആണ്.സംസ്ഥാന
ഭൂവിസ്തൃതിയുടെ 47.3 ശതമാനം
വനമേഖലയാണ് ഇവിടെ.
കാട്
നമുക്കു തരുന്നത്
വൈന‌വിധ്യമാര്‍ന്ന
പ്രയോജനങ്ങളാണ് വനങ്ങളില്‍
നിന്നു നേരിട്ടും അല്ലാതെയും
നമുക്കു ലഭിക്കുന്നത്.വനസമ്പത്തു
രാഷ്ട്ര സമ്പത്തായി നമ്മള്‍
കരുതണം.ജീവജാതികളില്‍
ഏറെയും വസിക്കുന്നത് കാടിലാണ്.160
കോടി ജനങ്ങള്‍ വനത്തെ
ആശ്രയിച്ചു ജീവിക്കുന്നുണ്ട്.ജീവ
വായുവിനും,വെള്ളത്തിനും,ആഹാരത്തിനും,പാര്‍പ്പിടത്തിനുമെല്ലാം
മനുഷ്യര്‍ കാടിനെ ആശ്രയിക്കുന്നു.ഒരു
ഹെക്ടര്‍ വനത്തിനു രണ്ടരലക്ഷം
ലിറ്റര്‍ വെള്ളം സംഭരിച്ചു
വെക്കാന്‍ കഴിയും.വനം
മണ്ണിനെ സംരക്ഷിക്കുന്നു.മരങ്ങള്‍
വലിച്ചെടുക്കുന്ന ജലം സ്വേദനം
വഴി ബാഷ്പമായി അന്തരീക്ഷത്തിലെത്തുകയും
മഴ മേഘങ്ങളുടെ ഭാഗമായി മാറുകയും
അങ്ങനെ വനങ്ങള് മഴ
പെയ്യിപ്പിക്കുന്നു.വനങ്ങള്
അന്തരീക്ഷത്തില്‍ നിന്നും
വന്‍ തോതില്‍ കാര്‍ബണ്‍ഡൈ
ഓക്സൈഡ് വലിച്ചെടുത്തു
അന്തരീക്ഷ മലിനീകരണം
തടയുന്നു.പക്ഷി
മൃഗാദികള്‍ക്കു ആവാസ സ്ഥലം
ഒരുക്കുന്നു.വനം
വനോല്പന്നങ്ങള്‍ നല്‍കുന്നു.വികസ്വര
രാജ്യങ്ങളില്‍ ഊര്‍ജ്ജാവശ്യത്തിന്റെ
80 ശതമാനവും
സസ്യങ്ങളി‍ല്‍ നിന്നാണ്
ലഭിക്കുന്നത്.
കാടറിവുകള്‍
കാട്
ഭൂമിയുടെ ശ്വാസകോശമാണ്.അത്
പ്രകൃതിയുടെ ഹൃദയവമാണ്.വലിയ
അളവില്‍
ഓക്സിജന്‍
അന്തരീക്ഷത്തിലേക്ക് സംഭാവന
ചെയ്യുന്നത് കോണ്ടാണ് വനത്തെ
ഭൂമിയുടെ ശ്വാസകോശം എന്നു
വിളിക്കുന്നത്.വനങ്ങള്
നിബിഢമായി വളരുന്ന പ്രദേശത്തെയാണ
പോതുവെ വനം (കാട്
) എന്നു
പറയുന്നത്.മനുഷ്യന്റെ
അനിയന്ത്രിതമായ വികസന
കാഴ്ചപ്പാടാണ് കാടിനെ
നശിപ്പിക്കുന്നതില്‍ മുഖ്യ
പങ്കു വഹിക്കുന്നത്.വികസനം
എന്നു കേള്‍ക്കുമ്പോള്‍
തന്നെ നമ്മുടെ മനസ്സിലേക്കു
ഓടിയെത്തുന്നതവെട്ടിതെളിക്കുന്നതും
മരങ്ങള്‍ മുറിച്ചുവീഴ്ത്തി
വെളുപ്പിക്കുന്നതുമായ
കാര്യങ്ങളായിരിക്കും.
എന്തുകൊണ്ടു
കാട്
മനുഷ്യര്‍ക്ക്
അത്യാവശ്യമായ ഭക്ഷ്യ വിളകള്‍
മുതല്‍ ഔഷധ സസ്യങ്ങള്‍ വരെയുള്ള
അനേക കോടി സസ്യ വര്‍ഗങ്ങളുടെ
ജനിതകബാങ്കാണ് ഓരോ വനവും.സുക്ഷമ
ജീവികള്‍ മുതല്‍ വമ്പന്‍
മരങ്ങളും വന്യ ജീവികളും
ഉള്‍പ്പെടുന്ന സങ്കീര്‍ണ്ണവും
ഉപകാരപ്രദവുമായ ജൈവ വൈവിധ്യ
കലവറയാണ് കാട്.രോഗ
പ്രധിരോധ ശേഷിയും നല്ല വിളവും
ഏതു കാലാവസ്ഥയിലും വളരുന്നതുമായ
പുതിയ സസ്യ വര്‍ഗങ്ങളെ
വേര്‍തിരിച്ചെടുക്കാന്‍
ശാസ്ത്രജ്ഞര്‍ പ്രധാനമായും
ആശ്രയിക്കുന്നത് കാടുകളെയാണ്.നമുക്ക്
ഇനിയും തിരിച്ചറിയാന്‍
കഴിയാത്ത അനേകജാതി സസ്യ
സ്പീഷീസുകള്‍ വനങ്ങളിലുണ്ട്.ഒരു
വനം നശിക്കുന്നതു മൂലം
നശിക്കുന്നത് , ഭീകരമായ
രോഗങ്ങള്‍ക്കുള്ള സിദ്ധൗഷധങ്ങളോ,
ഏതു പ്രതികൂലാവസ്ഥയിലും
നല്ല വിളവുതരുന്ന ഭക്ഷ്യ
വിളകളോ ഒക്കെയായിരിക്കും
ലോകത്തിനു നഷ്ടമാകുന്നത്.കൂടാതെ
വലിയ ഒരു സമൂഹത്തിന്റെ
വാസസ്ഥലവും കൂടിയാണ്
വനങ്ങള്.പ്രാചീന
സംസ്കൃതിയുടെ ചരിത്രം കൂടിയാണ്
കാടിന്റെ ചരിത്രം.പുറം
പരിഷ്കാരങ്ങളിലേക്കു
എത്തിപ്പെടാതെ തങ്ങളുടേതുമാത്രമായ
ലോകത്ത് തനതായ ജീവിതമാര്‍ഗങ്ങളും
,കാടിനേയും മലയേയും
ആശ്രയിച്ചു കഴിയുന്ന ആദിവാസികളുടെ
വാസസ്ഥലം കാടാണ്.നമ്മുടെ
രാജ്യത്തെ ഭക്ഷ്യ സ്വയം
പര്യാപ്തതയിലേക്കു നയിക്കാന്‍
വനങ്ങള്‍ക്കു കഴിയും എന്നു
മനസ്സിലാക്കിയ മഹാനായ
മനുഷ്യനായിരുന്നു 1950 കളില്‍
കേന്ദ്ര ഭക്ഷ്യ മന്ത്രിയായിരുന്ന
കെ.എം മുന്‍ഷി.അദ്ദേഹമാണ്
1950 മുതല്‍ എല്ലാവര്‍ഷവും
ജൂലൈ ആദ്യവാരം വനമഹോത്സവമായി
ആചരിക്കാന്‍ തീരുമാനിച്ചത്.
കോര്‍പ്പറേറ്റ്
വിശേഷം
കഴിഞ്ഞ
പോസ്റ്റില്‍ ഇന്ത്യയിലെ
കോര്‍പ്പറേറ്റ് വിശേഷങ്ങളെ
കുറിച്ചു പറയാം എന്നു
പറഞ്ഞിരുന്നു.നമ്മുടെ
പാര്‍ലെമെന്റ് ആരുടെ
താല്പര്യത്തിനു വേണ്ടിയാണ്
നിലനില്‍ക്കുന്നത് എന്നു
ഇതു വായിച്ചാല്‍ മനസ്സിലാകും.
ലോക സഭാംഗങ്ങളില്‍
പകുതിയിലധികം കോടീശ്വരന്മാരാണ്
നമ്മുടെ നാട്ടില്‍.5000
കോടിയിലധികം
ആസ്തിയുള്ളവര്‍ 500 ലധികം
വരും.100 കോടിയിലധികം
വരുമാനമുളള ശത കോടീ‌‌ശ്വരന്മാര്‍
3000 ലധികം വരും.ലോകത്തിലെ
ഏറ്റവും വലിയ 10 കോടീശ്വരന്മാരില്‍
4 പേര്‍
ഇന്ത്യക്കാരാണ്.അമേരിക്ക
കഴിഞ്ഞാല്‍ ഏറ്റവുമധികം
ബില്ല്യനെയര്‍മാര്‍ ഉള്ള
രാജ്യം ഇന്ത്യയാണ്.നമ്മുടെ
രാജ്യത്തെ സമ്പന്നരുടെ 25
ലക്ഷം കോടി രൂപ
നികുതി വെട്ടിച്ച് വിദേശ
ബാങ്കുകളില്‍ നിക്ഷേപിച്ചിട്ടുണ്ടെന്നു
നമ്മുടെ CBI ഡയരക്ടര്‍
പറയുകയുണ്ടായി.
നമ്മുടെ
പാര്‍ലെമെന്റ് 2005 മുതല്‍
2012 വരെ 26,12,135 കോടി
രൂപയാണ് കോര്‍പ്പറേറ്റുകള്‍ക്കു
വേണ്ടി എഴുതി തള്ളിയത്.അതെ
സമയം പൊതു ജനങ്ങള്‍ക്കു
വേണ്ടി നല്‍കിയ നികുതി ഇളവ്
8,36,514 കോടി രൂപയും.110
കോടി ജനങ്ങള്‍ക്ക്
രാജ്യം നല്‍കുന്ന ആകെ സബ്സിഡി
2,31,083 കോടി രൂപ.
( പ്രഖ്യാപിച്ചത്
തന്നെ സര്‍ക്കാര്‍ നല്‍കാറില്ല
എന്നത് വേറെ കാര്യം ) അതെ
സമയം ഏതാനും കോര്‍പ്പറേറ്റു
ഭീമന്‍മാര്‍ക്കു നല്‍കുന്ന
സബ്സിഡി ആനുകൂല്യമാകട്ടെ 6
ലക്ഷം കോടി രൂപയും.
ഇന്ത്യയില്‍
4 ശതമാനമാണ്
അതിസമ്പന്നര്‍.15 ശതമാനം
ഇടത്തരക്കാരാണ്.എന്നാല്‍
78 ശതമാനത്തോളം
വരും ദരിദ്ര നാരായണന്മാര്‍.
യഥാര്‍ത്ഥത്തില്‍
ഇവിടെ നടക്കുന്നത് ഓരു തരം
കമ്പനി ഭരണമാണ്.കോര്‍പ്പറേറ്റ്
മുതലാളിമാര്‍ ഡിസൈന്‍ ചെയ്യുന്ന
പ്രോഗ്രാമുകള്‍ നടത്തികൊടുക്കുന്ന
വൈസ്രോയിമാരുടെ റോള്‍ മാത്രമെ
ഇവിടത്തെ രാഷ്ട്രീയ
പാര്‍ട്ടിപ്രധിനിധികള്‍ക്കുള്ളൂ
എന്നു തോന്നുന്നു.
Time in Calicut (kozhikode) 